FiND iT het sopas 5 miljoen bladlese vir die MAAND van Oktober bereik! Dit is te danke aan ons lesers en adverteerders se ondersteuning.
Jana Grobbelaar, redakteur, sê die afgelope paar maande het harde werk, laat aande en baie op-en-wakker skrywers gevat om dié syfer te bereik.
“Daar is mag in weet wat om jou aangaan. Ons skep vir jou die platform om ingelig te wees, maak nie saak of jy data op jou foon het of nie. Jy het toegang tot inligting, werksgeleenthede, nuus, vermaak en meer – gratis.” – Jana Grobbelaar, redakteur FiND iT
“Dit is ons meeste bladlese nóg en as ek terugkyk na hoe ons gegroei het, kan ek net dankie sê aan elke leser, medewerker, skrywer, mede-kollega en adverteerder. Dis veral ons adverteerders wat dit vir ons moontlik maak om maand na maand gratis nuus aan Suid-Afrika, in Afrikaans, te bring. Ons sal dit graag so wil hou en daarom werk ons elke dag hard om ook vir ons adverteerder die beste geleenthede en platform te skep.”
Grobbelaar sê dis belangrik vir adverteerders om te weet wie hulle advertensies en bemarking sien. “Ons werk met maatskappye wat ons maand na maand ondersteun en ons is trots om hulle te verteenwoordig.”
Die webtuiste het ook al amper 2 miljoen lesers die maand, die app is al deur meer as 15 000 mense afgelaai en die Facebookblad staan op 118 000 volgelinge. “Ons is ook op Instagram, WhatsApp-groepe, Telegram, LinkedIn, Twitter, Moya (datavry) en You Tube. Ons probeer elke leser bereik daar waar dit vir hom/haar die gerieflikste is om nuus te lees. Ons wil nie hê jy moet soek of sukkel nie,” sê Grobbelaar.
Vir advertensienavrae, stuur ‘n e-pos aan [email protected].
Hier is ‘n lys van FiND iT se lojale ondersteuners:
