LEES OOK: Motshekga waarsku matrikulante teen bedrog
Die bekroonde aktrise en komediant Lebohang Mpyana is oorlede. ‘n Familiewoordvoerder het die nuus van die 34-jarige se dood in ‘n kort verklaring op sosiale media bevestig.
“Dit is met groot hartseer dat ons die afsterwe van ons dogter, Lebohang Mpyana, aankondig,” lui die verklaring. “Lebo is ná ‘n kort siekte dood.” Die woordvoerder het ook versoek dat die publiek voortgaan om die familie in hul gedagtes en gebede te hou terwyl hulle rou.
Mpyana het gewildheid verwerf deur haar rol as Khelina in Mzansi Magic (DStv 161) se DiepCity. Mpyana is vir haar rol in dié reeks as die beste aktrise deur die Viewer’s Choice by die 2021 Royalty Soapie-toekennings aangewys. Ná hierdie debuut in April 2021 het die reeks in Maart 2023 geëindig. Mpyana was ook wyd bekend vir haar werk as ‘n seremoniemeester (MC) en komediant.
Besonderhede oor haar gedenk- en begrafnisdiens word mettertyd verwag.
#DiepCity #Aktrise #LebohangMpyana #Oorlede #Afrikaans #Nuus
