LEES OOK: Verdagte in plaasaanval vasgetrek
Die dogter van ‘n man wat dood is toe hy in 2022 deur die gesin se troetelhaan gepik is, het nou vir die eerste keer sedert die voorval daaroor gepraat.
Jasper Kraus (67) het ‘n hartaanval gehad nadat die Brahma-hoenderhaan hom by sy huis aangeval het. Hy het liters bloed verloor en kon nie gered word nie, het sy dogter gesê.
Virginia Guinan (33) wil ander nou waarsku teen die gevare daarvan om hoenders aan te hou.
Sy sê Jasper, pa van twee en oupa van twee, was ‘n ervare dierehanteerder.
“Jy sal dink dat ‘n hoender nie gevaarlik kan wees nie – maar hulle kan. Dit was ‘n kwaadwillige aanval, absoluut brutaal. Daar was liters bloed oral op die vloer toe ek daar aangekom het.”
“Om troetelhoenders te hê, raak nou ‘n gewilde ding vir families, veral waar kinders betrokke is. Dis baie skaars dat so ‘n aanval gebeur, maar dit kan gebeur.”
Krause was verlede jaar in April in sy tuin besig toe die hoenderhaan hom van agter af aangeval het.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
