Hier is ‘n resep vir ‘n heerlike spinasie-deeg-ring.
SUIDWES-RESEPTE
Roomkaas-tertdeeg
500 ml koekmeelblom
250 g margarien
Een eiergeel geklits
1 ml sout
125 ml roomkaas of maaskaas
Vulsel
1 ui gekap
30 ml botter
5 ml aangemaakte mosterd
1 ml varsgemaalde swartpeper
500 g bevrore spinasie of vars geblansjeerde spinasie
1 knoffelhuisie, gekneus
15 ml suurlemoensap
sout
15 ml koekmeelblom
50 ml suurroom
Metode
Deeg
Sif meelblom en sout saam.
Vryf margarien met vingerpunte in
Voeg genoeg roomkaas by om ‘n sagte, stywe deeg te vorm.
Verkoel in yskas.
Vulsel
Soteer ui en knoffel in verhitte margarien.
Voeg res van bestanddele behalwe suurroom by. Laat afkoel. Voeg room by en meng. Rol deeg langwerpig op goed meelbestrooide oppervlak uit.
Skep vulsel in middel van deeg.
Vorm deeg versigtig in ‘n rol en vorm dan in ‘n ring. Verseël kante met eiergeel. Plaas op bakplaat wat goed gespuit is. Sny kepe met skêr in deeg.
Verglans met eiergeel. Bak 20 min in vooraf verhitte oond by 200
Bron: Mev B Wilbers (Gedeel deur Elsabe Carpenter op Resepte Oud en Nuut, Facebook)
Lees ook: Aarbeikoekresep
Volg FiND iT hier op Facebook.
