GQEBERHA. – ‘n Man (34) wat sy meisie se dogter oor ‘n tydperk van vier jaar verkrag het, is in die Gqeberha-streekshof op aanklag van verkragting skuldig bevind.
Die verkragtings het in 2016 begin toe die kind nege jaar oud was, tot Januarie 2019, toe sy die misdade aangemeld het. Die man is skuldig bevind op vier aanklagte van verkragting.
In 2016 het die ma en haar dogter by haar kêrel in Gqeberha ingetrek. Al die verkragtings het by sy huis gebeur. Die ma en tannie het opgemerk dat die kind soms vreemd opgetree het, maar het nie te veel gelees in die eienaardige gedrag nie.
Man verkrag dogter sedert sy nege is
Die kind sou haarself van kop tot tone met ‘n kombers bedek, selfs al was dit warm. Sy het haar stilte na die laaste verkragtingsvoorval in Januarie 2019 verbreek. Sy het haar vriende by die skool van die verkragtings vertel, waarna haar vriende ‘n onderwyser vertel het.
Die onderwyser het die kind gebel om uit te vind of haar vriende die waarheid praat. Daarna het die onderwyser die kind se ma gebel en die kind na die polisiestasie geneem. Die ma het hulle by die polisiekantoor gekry terwyl die onderwyser besig was om ‘n saak oop te maak.
Die man het ontken dat hy ooit die kind verkrag het. Die saak is uitgestel tot 10 November 2021 wanneer hy gevonnis sal word.
LEES OOK: Ma wat glo drie kinders vermoor, ‘kalm’ in hof
Volg FiNDiT hier vir die nuutste nuus.
