VRYSTAAT. – ‘n Man, Kopano Nelson Tjobo, is in die Bloemfontein-landdroshof tot 15 jaar gevangenisstraf gevonnis nadat hy sy vrou, Sefora Tjobo, vermoor het.
Die hof het gehoor dat Kopano die polisie op Saterdag 4 Augustus 2020 na die moordtoneel ontbied het. Dit was ‘n leë dam wat op ‘n oop veld naby die aansluiting van R702 en Dewetsdorpweg geleë is.
Man vermoor vrou
“Hy het eers die bure mislei deur hulle te laat glo dat sy vrou saam met ‘n kêrel verdwyn het. Hy het ‘n vals brief opgestel met ‘n boodskap van ‘n fiktiewe kêrel wat gereël het om sy vrou op die gronde naby die moordtoneel te ontmoet,” sê brig. Motantsi Makhele, polisiewoordvoerder.
Die polisie by die Bloemspruit-polisiestasie het op die toneel aangekom en die lewelose lyk van Kopano se vrou met wurgmerke aan die nek gebind. ‘n Stuk elektriese koord het langs die lyk gelê. Die toneel is ondersoek.
Tydens die ondersoekproses het Kopano vrywillig ingestem om ‘n verklaring voor die landdros af te lê. Daar is na ‘n verdere ondersoek bevind dat hy die verdagte was.
LEES OOK: Familie op hulle knieë na Isabella (1) aan stukkie neut verstik
Volg FiNDiT hier vir die nuutste nuus.
