NOORD -KAAP – ‘n Beloning word aangebied aan enige persoon wat inligting kan verskaf wat kan lei tot die inhegtenisneming van verdagtes wat betrokke was by die rooftog by die Tsineng-polisiekantoor.
Op Saterdag 31 Julie 2021 het drie gewapende verdagtes glo die polisiekantoor op Tsineng binnegegaan asof hulle ‘n klag wou indien. Terwyl die polisiebeampte besig was om hulle te spreek, het een verdagte na bewering oor die toonbank gespring. Hy het ook glo die beampte met ‘n vuurwapen gedreig.
Beloning aangebied
Nomthandazo Mnisi, polisiewoordvoerder, sê die polisiebeampte is toe na bewering beveel om ‘n kluis oop te sluit en die verdagtes het met agt pistole, drie gewere en twee kort gewere met ammunisie gevlug. Geen skote is afgevuur nie en geen beserings is opgedoen nie.
Enigiemand met inligting moet die Valke se ondersoekbeamptes, kol. Mgcineni Sityodana, by 071 481 2802 of Modise Bogacwi by 082 495 0819 kontak. Crime Stop kan ook op 0860010111 gekontak word.
LEES OOK: R6 000 se fooitjie na ete in Durbanville
LEES OOK: Seuntjie vir ure vermis, dood in speelgoedkis gevind
Volg FiNDiT hier vir die nuutste nuus.
