LIMPOPO.- Die polisie op Lebowakgomo vra die gemeenskap se hulp om ‘n vermiste tienermeisie wat op pad skool toe was toe sy vermis geraak het, op te spoor.
Die 17-jarige Tebogo Thaba is ‘n graad 11-leerling aan die Hoërskool Lebowakgomo. Haar tannie het haar laas op 14 Junie gesien.
Die polisie sê in ‘n verklaring dié tienermeisie is om 09:00 gesien toe sy gesê het sy is op pad skool toe.
“Ongelukkig het Tebogo nooit by die skool opgedaag nie en het sy nog nie na haar huis teruggekeer nie. Pogings om haar by familie en omliggende areas op te spoor, het misluk.”
Tebogo is op 28 Junie as vermis aangemeld.
Ten tye van haar verdwyning het sy ‘n blou denimbroek, ‘n blou T-hemp, blou oortrektrui wat deel van haar skooldrag is, en ‘n trui aangehad.
Enigiemand met inligting oor waar sy is, kontak lt.-kol. Nyamanyawo Thomas Baloyi by 082 565 8234.
Lees ook: Zuma-vonnis ‘n ‘oorwinning’ vir grondwetlike demokrasie
Ontvang daagliks gratis, deurdagte, feitelike nuus! FiND iT het ’n lesersplatform van 300 000 lesers. Julle lees elke maand meer as 1 miljoen keer ons artikels. Om dit vol te hou en gratis te hou, steun FiND iT op advertensie-inkomste en ondersteuners.
As jy ’n ondersteuner van FiND iT wil word deur ’n maandelikse of eenmalige bydrae, stuur ’n e-pos aan [email protected].
FiND iT is ’n onafhanklike maatskappy, onder die vaandel van Dottry Media (Pty) Ltd en word privaat befonds.
FiND iT het ook sy eie interne ombudsman, Johan Retief, wat die voormalige ombud van Suid-Afrika is. Dus is jy verseker van gehalte nuus, heeldag lank, gratis.
