Vrystaatse vrou vas oor sy man glo probeer vergiftig

Sy het na bewering probeer om hom te vergiftig deur die gif in sy kos te gooi.

“Toe beamptes haar handsak deursoek het, het hulle op ’n grys poeier afgekom,” sê Makhele. (Foto: Information Matters)

“Toe beamptes haar handsak deursoek het, het hulle op ’n grys poeier afgekom,” sê Makhele. (Foto: Information Matters)

WELKOM. – ’n 38-jarige Vrystaatse vrou is in hegtenis geneem op aanklag van sameswering om haar man te vermoor.  Sy het na bewering probeer om hom te vergiftig deur gif in sy kos te gooi.

Brig. Motantsi Makhele, polisiewoordvoerder in die Vrystaat, sê polisiebeamptes het inligting opgevolg wat hulle gelei het tot by ’n huis in Welkom. Die vrou, wie se man ’n adjudant-offisier is, was glo in gesprek met ’n tweede persoon wat vermoedelik ook by die sameswering betrokke was.

Lees ook: Seun (9) sterf agt uur na Covid-simptome wys

Volgens Makhele is die tweede persoon by ’n taverne op Thabong voorgekeer.

“Toe beamptes haar handsak deursoek het, het hulle op ’n grys poeier afgekom,” sê Makhele.

Die verdagte verskyn na verwagting Dinsdag in die hof.

Lees ook: Veearts in hof oor hy hond glo seksueel mishandel

Leave a Reply

Your email address will not be published. Required fields are marked *