LEES OOK: Matriekeksamen skop hierdie week af
Taylor Swift-aanhangers is teleurgesteld nadat hulle uitgevind het dat die veelbekroonde sanger nie na Suid-Afrika sal kom nie.
Die verwarring het glo begin toe Discovery Vitality, die welstandaansporingsprogram van die JSE-genoteerde Discovery-groep, Maandag ‘n nuusbrief propvol verskeie verwysings na Swift en haar liedjies uitgereik het. Die verwysings het ingesluit “moving swiftly towards 2024”, “shaking off the year” en “a whole new era”, wat almal woorde bevat wat met die Amerikaanse popster geassosieer word.
Discovery se kommunikasiespan het ook die afgelope maand die groep se sosialemediaplasings op X gepeper met soortgelyke verwysings na Swift, deels vanweë ‘n promosieveldtog vir die kans om kaartjies te wen na Taylor Swift: The Eras Tour, ‘n fliek wat vanaf 13 Oktober by Ster-Kinekor-teaters begin wys .
#TaylorSwift #Suid-Afrika #Afrikaans #Nuus
Bronne gebruik: IOL; Woman & Home Magazine; News24.
