LEES OOK: Meer as 640 bedankings in die departement van justisie en grondwetlike ontwikkeling
Universiteite Suid-Afrika, ‘n sambreelliggaam wat openbare universiteite verteenwoordig, het die stap om die Nasionale Finansiële Hulpskema vir Studente (NSFAS) se omstrede regstreekse betalingstelsel eZaga te skrap, verwelkom. Dit volg nadat foute deur die stelsel sommige begunstigdes sonder geld gelaat het, wat tot landwye betogings by universiteite deur studente gelei het.
Intussen het Andile Nongogo, uitvoerende hoof van NSFAS, tot môre om sy saak by die Raad te bepleit oor hoekom hy nie oor die aangeleentheid ontslaan moet word nie.
‘n Verslag deur Werkmans-prokureurs oor bewerings oor die aanstelling deur NSFAS van direkte betalingsdiensverskaffers het bevestig dat daar ongerymdhede in die proses was.
Die skema se direksie het vandeesweek onthul dat daar verskeie verkrygingsprosesse oortree is in die aanstelling van diensverskaffers vir die direkte betalingstelsel. Die skema word daarvan beskuldig dat hy die eZaga-kontrak onreëlmatig toegeken het – saam met dié van ander diensverskaffers.
Universiteite Suid-Afrika se dr. Phethiwe Matutu het die volgende gesê: “Universiteite Suid-Afrika verwelkom die verslag, en die reaksie deur die Raad van NSFAS om die kontrakte van die vier diensverskaffers te beëindig en ook om te versoek dat die uitvoerende hoof moet verduidelik waarom hy nie afgedank moet word nie.”
#Universiteite #Studente #Afrikaans #Nuus
Bronne gebruik: SABC Nuus.
