Lees ook: Zoleka Mandela oorlede na stryd teen kanker
JOHANNESBURG. – Die begrafnisreëlings en gedenkdiens van skrywer en aktivis Zoleka Mandela is deur haar familie bekendgemaak.
Zoleka (43) is Maandagaand oorlede na ’n lang stryd met kanker.
‘n Gedenkdiens vind vandag by die Mandela-familiehuis plaas. Haar begrafnis sal môre by die Metodistekerk in Bryanston gehou word.
Zoleka is oorlede na sy Maandag in die hospitaal opgeneem is vir behandeling vir kanker in haar heup, lewer, long, pelvis, brein en rug. ‘n Verklaring uitgereik na haar dood het gesê onlangse ondersoeke het gewys die kanker het versprei en gevorder, met longfibrose en verskeie bloedklonte. Mandela het voorheen twee keer borskanker oorwin.
Sy laat vier kinders agter – haar seun Zwelami (gebore in 2003), haar dogters, Zanyiwe (gebore in 2014), Zenzile (gebore in 2019) en Zingce (gebore in 2022).
Bronne: Mbare Times, TimesLIVE, News365
