N2 Hoofweg KZN. – ‘n Vroulike passasier het Donderdagaand 17 Augustus 2023 ernstige beserings opgedoen toe die sportnutsvoertuig waarin sy was naby die King Shaka-afrit van agter deur ‘n bakkie gestamp is. Die bestuurder het beheer verloor en is met die voertuig teen ‘n wal af.
IPSS Medical Rescue is na die toneel waar die bestuurder van die sportnutsvoertuig homself kon bevry, maar die passasier was vasgekeer. Die bestuurder van die bakkie het van die toneel gevlug.
‘n Lewensondersteunende paramedikus het die ernstig beseerde vrou gestabiliseer terwyl sy deur Ethekweni-brandweer uit die wrak bevry is. Sy is vir verdere mediese behandeling na ‘n fasiliteit vervoer.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
