’n Verdagte (39) wat teregstaan op aanklagte van ontvoering en aanranding met die doel om ernstig te beseer, sal in aanhouding bly nadat hy borgtog geweier is.
Die verdagte is in hegtenis geneem nadat hy na bewering sy 35-jarige vrou op Saterdag, 29 Julie 2023 omstreeks 19:50 in die Litsetele-polisiëringsgebied ontvoer en ernstig aangerand het.
Die polisie is van die voorval in kennis gestel en het ‘n soektog na beide die slagoffer en verdagte begin. Die verdagte se voertuig is op die pad opgemerk en voorgekeer. Die polisie het die verdagte toe na sy huis geneem nadat hy glo gelieg het oor waar sy vrou haar bevind.
Tydens die ondersoek het die polisie op die bloedbevlekte klere van die slagoffer afgekom. Terwyl hulle met die soektog besig was, is berig ontvang dat die slagoffer by die plaaslike polisiestasie was nadat ’n verbyganger haar naak en erg aangerand in bosse gevind en opgelaai het.
