‘n Vulstasiewerknemer is Maandag buite die FNB in Wickstraat in Verulam, KZN deur ‘n gewapende man beroof.
Lede van Reaction Unit SA (Rusa) het op die toneel aangekom en ‘n werknemer van ‘n vulstasie daar aangetref. Hy het gesê hy het sowat 50 meter van sy werkplek na die bank gestap toe hy gekonfronteer is deur ‘n man geklee in ‘n groen hemp, groen kortbroek en sandale.
Die verdagte het sy sak met kontant gegryp terwyl hy die slagoffer glo met ‘n vuurwapen gedreig het.
Rusa is op soek na die verdagte.
