‘n Man is gisteraand, Woensdag 21 Junie 2023 omstreeks 19:24 terwyl hy na sy huis in Ndwedwe, KwaZulu-Natal gestap het na bewering van sy vuurwapen beroof en doodgeskiet.
Reaction Unit South Africa is deur die gemeenskap vir hulp gekontak.
Met aankoms het reaksiebeamptes die lewelose liggaam van die man gekry waar hy op ‘n grondpad gelê het.
Hy was verskeie kere geskiet.
Volgens ‘n vriend het hulle glo na werk huis toe gestap. Hulle paaie het soos hulle nader aan hul huise gekom het geskei. Die vriend het na bewering skote en ‘n hulproep gehoor. Hy is terug pad toe en het sy vriend se lewelose liggaam aangetref.
Die oorledene se beursie en kontant was steeds by hom, maar sy vuurwapen was weg.
Die verdagte is in hierdie stadium onbekend.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
