Lees ook: Mannejag deur polisie ná taxibase in Mthatha geskiet is
Drie verdagtes is gister in hegtenis geneem na ’n hoëspoedjaagtog wat in Garsfontein begin het. Die voorval het vyf verdagtes betrek wat glo in ’n huisbraak vroeër die dag in Garsfontein betrokke was.
’n Buurman wat die huisbraak gesien het, is glo in die knie geskiet toe die verdagtes in ’n BMW gevlug het.
Die polisie het die voertuig identifiseer en ’n hoëspoedjaagtog het begin wat gelei het tot ’n ongeluk op die N3.
Een van die verdagtes is op die ongeluktoneel in hegtenis geneem terwyl die vier ander verdagtes te voet gevlug het.
Nog twee persone is in hegtenis geneem en die drie verdagtes sal binnekort in die hof verskyn op aanklagtes van poging tot moord, huisbraak, besit van ’n ongelisensieerde vuurwapen en ammunisie, besit van gesteelde eiendom en besit van ’n gesteelde voertuig.
Die polisieondersoek duur voort.
Bronne: SAPS
Lees ook: Mannejag deur polisie ná taxibase in Mthatha geskiet is
