‘n Vrou (31) van Welgemoed is glo Vrydagaand 2 Junie 2023, nadat sy die familiebesigheid waar sy werk verlaat het, in Parow-Industria in die Wes-Kaap, ontvoer.
Brig. Novela Potelwa sê sy het nooit haar woning bereik nie en haar voertuig is later verlate by NY 99 in Gugulethu gevind.
Die vrou is Dinsdagmiddag 6 Junie 2023 by ‘n huis in Mfuleni opgespoor.
Die vrou ondergaan tans mediese ondersoeke om haar welstand vas te stel.
Potelwa sê die samewerking tussen ‘n multidissiplinêre provinsiale teen-ontvoeringstaakspan het tot vyf verdagtes tussen die ouderdomme van 25 en 32 se inhegtenisnemings gelei.
Die taakspan het uit provinsiale georganiseerde misdaadondersoekers, misdaadintelligensie, DPCI, taakmag en gyselaaronderhandelaars bestaan. Stad Kaapstad en ‘n provinsiale CSI-span het saamgewerk om die slagoffer op te spoor.
Die verdagtes word deur klagtes van ontvoering, kaping, mensehandel en afpersing in die gesig gestaar.
Hulle sal na verwagting binnekort in die hof verskyn.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
