Johnny Depp se moontlike terugkeer na die ikoniese Captain Jack Sparrow-karakter in die nuwe Pirates of the Caribbean-fliek is nie deur Disney verwerp nie.
Die akteur (59) is in 2018 uit die franchise gehaal omdat die maatskappy “nuwe energie” tot die films wou toevoeg.
In ‘n onlangse onderhoud met The New York Times het Disney Studios Motion Picture Production se president Sean Baily die sesde film bespreek.
Hy noem dat daar ‘n baie goeie en opwindende storie is wat voorlê. Toe hy gevra is of Depp deel gaan wees van die film, het hy gesê die studio is tans “nie-gebonde”.
