Lees ook: Trokdrywer in hegtenis vir beweerde verkragting van ryloper
Die voormalige hoof van Eskom, André de Ruyter, het glo geweier om senior ondersoekers van die Valke te ontmoet aangaande sy aantygings van korrupsie by Eskom en die ministers wat na bewering daarby betrokke is.
Die Valke-baas Godfrey Lebeya het Dinsdag tydens sy getuienis aan SCOPA gesê hulle het deur maj.genl. Nicholas Jacobus Gerber na De Ruyter uitgereik ná sy televisie-onderhoud om die inligting direk by hom te kry.
Lebeya het gesê De Ruyter het geweier om Gerber te ontmoet, maar het hom na sy prokureur verwys wat belowe het om met De Ruyter te praat, maar hy het glo nie.
Die Valke het ook gesê De Ruyter se korrupsieverslag is eers ingegee na hy sy aantygings in die openbaar gemaak het. Die verslag fokus op kartelle, sindikate en senior politici. Die SIU-hoof het ook gesê De Ruyter het geen aantygings by hulle aangemeld nie.
Eskom sal Woensdag na verwagting verslag lewer by SCOPA oor De Ruyter se aantygings.
Bronne: IOL, Mail & Guardian, BusinessTech
Lees ook: Trokdrywer in hegtenis vir beweerde verkragting van ryloper
