Een persoon is dood, een persoon kritiek en een ernstig beseer in ‘n botsing op die R620 Oslo-strand in KwaZulu-Natal.
Paramedici van KwaZulu Private Ambulance is na die toneel ontbied waar twee voertuie in ‘n botsing betrokke was.
Een beseerde het noodlottige beserings opgedoen, een was kritiek beseer en een het ernstige beserings opgedoen. ‘n Omstander het met resussitasiepogings op die noodlottig beseerde begin, waarna ‘n paramedikus oorgeneem het. Ten spyte van die pogings is die beseerde op die toneel dood verklaar.
Die kritiek beseerde persoon is gestabiliseer en met ‘n helikopter van Netcare 911 na ‘n spesialisfasiliteit in VMV geneem waar verdere mediese behandeling toegepas kan word.
Die persoon met die ernstige beserings is op die toneel gestabiliseer voordat hy vir verdere mediese sorg na ‘n hospitaal vervoer is.
Die oorsaak van die botsing is nie bekend nie, maar word deur die owerhede ondersoek.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
