Lees ook: Drie onderwysers in Oos-Kaap geskors oor beweerde seksuele misdrywe
’n Onderwyser wat afgedank is na hy beskuldig is daarvan dat hy ’n gr. 9-leerling gesoen het en aan die boud gegryp het, is weer in sy pos as hoof van die gr. 9-departement aangestel. Hy het ook meer as R600 000 ontvang vir die 19 maande wat hy werkloos was.
Die onderwyser het gesê hy het ’n kollega wat met die leerling gespot het, gekonfronteer en gesê hy moet haar om verskoning vra. Die onderwyser het die leerling ingeroep en gesê sy kollega sal om verskoning vra en hy het haar ’n drukkie gegee, want sy was emosioneel.
Volgens die onderwyser is hy die volgende dag ingeroep en aangesê dat hy vir eers geskors is. Hy het gesê hy het eers sy formele skorsingbrief vier maande later ontvang. Sy salaris is in Augustus opgeskort en hy is in September afgedank.
Hy het gesê dat hy nie die leerling gesoen het of aan haar boud gevat het nie en dat iemand haar beïnvloed het om te lieg. Hy het ook gesê dat hy nie haar familie probeer omkoop het nie.
Die arbitrasiehof het bevind dat sy afdanking onregverdig was en dat hy weer in sy pos aangestel moet word en R602 300 betaal moet word teen 28 April.
Bronne: Sowetan LIVE, TimesLIVE, Salabourne News
Lees ook: Onderwysers in openbare skole hou aan met seksuele misdrywe teen leerlinge – Angie Motshekga
