Taai inflasie, stadige ekonomiese groei en verhoogde finansiële stabiliteitsrisiko’s kenmerk steeds die globale ekonomie.
Lesetja Kganyago, goewerneur van die Suid-Afrikaanse Reserwe Bank (SARB), sê Rusland se voortslepende oorlog in die Oekraïne weeg swaar op Europese groeivooruitsigte, terwyl finansiële toestande in die Verenigde State steeds strenger word. Dit het ‘n negatiewe impak op die ekonomiese groei van verskeie lande.
“Ten spyte van ietwat beter groei-uitkomste in die eerste maande van die jaar, sien die monetêre beleidskomitee (MBK) van die (SARB) geen wesenlike verligting van moeilik globale ekonomiese toestande nie. Die MBK het besluit om die terugkoopkoers in Suid-Afrika met 50 basis te verhoog na 7,75% per jaar, met ingang van die 31ste Maart 2023,” het Kganyago aangekondig.
Die Suid-Afrikaanse ekonomie het in die vierde kwartaal van 2022 met 1,3% gekrimp, aansienlik erger as wat verwag is in Januarie. As gevolg van uitgebreide beurtkrag en logistieke beperkinge, bly die aanbodprestasie van die ekonomie ernstig benadeel.
“Oor die voorspellingsperiode verwag ons dat huishoudelike besteding en investering beskeie sal groei, selfs al weeg beurtkrag en onsekerheid swaar vir verbruik- en beleggingsbesluite. Privaatsektor-investering sal na verwagting positief bly en weerspieël grootliks pogings om beperkinge in energie te oorkom. Die SARB se kommoditeitsprysindeks, wat in historiese terme bo sy langtermyn-gemiddelde bly, sal na verwagting aanhou verlig. As gevolg van hierdie faktore word voorspel dat die ekonomie in 2024 met 1,0% sal groei.”
Dié groei kan aansienlik verhoog as daar verbeteringe kom in logistiek en volgehoue vermindering in beurtkrag, maar hy waarsku nog skokke kan ons ekonomie tref.
“Die rand het die afgelope jaar oor die algemeen verswak, met ‘n voorspelling van R18.06 teen oor die dollar, vergeleke met R17.32. Die voorspelling vir gemiddelde salarisgroei en eenheidsarbeidskoste is ook ietwat laer in 2023 en hoër in 2024 en 2025.
Ten spyte van sommige verligting van produsenteprys en voedselinflasie, bly globale prysvlakke hoog, as gevolg van voedselprysinflasie en risiko’s van droër weerstoestande. Kos prys-inflasie sal na verwagting 9,9% in 2023 wees (op van 7,3%) en 4,5% in 2024 (op) vanaf 4,4%.
“Rusland se oorlog in die Oekraïne en China se ekonomiese herstel sal na verwagting die wêreldwye oliemark relatief laat styg. Elektrisiteitspryse en ander geadministreerde pryse sal voortgaan om duidelike kort- en mediumtermynrisiko’s te bied. Ten spyte hiervan is voedsel- en brandstofinflasie na verwagting verslap, wat lei tot ‘n wesensvoorspelling van 4,9% vir 2024 en 4,5% in 2025.”
Gegewe taai petrol en hoër voedselprysinflasie, is daar steeds aansienlike risiko aan die voorspelling vir gemiddelde salarisse.
Ekonomiese en finansiële toestande sal na verwagting meer wisselvallig bly vir die voorsienbare toekoms. Kganyago sê die MBK sal poog om deur tydelike prysskokke te kyk en die Bank sal voortgaan om finansieringsmarkte noukeurig te monitor vir stres.
Lees die volledige verklaring hier:
