Lees ook: Nog ’n tradisionele leier in KZN doodgeskiet
‘n Sekuriteitswag, wat vier mense, insluitend sy kleuterdogter, haar ma en ouma in 2018 geskiet het, is skuldig bevind en sal binnekort gevonnis word.
Boitshoko Abednigo Swanepoel is in die Noord-Wes-hooggeregshof skuldig bevind op twee aanklagtes van moord en twee van poging tot moord.
Swanepoel is op 25 September 2018 na sy eks-meisie, Motlalepula Motsatsing, toe. Hulle het baklei en toe skiet hy haar terwyl sy om hulp geskree het. Toe haar ma en broer gaan kyk wat aangaan, het hy hulle ook geskiet. Motsatsing en haar ma is op die toneel oorlede en haar broer ‘n jaar later.
Swanepoel en Motsatsing se kleuter het na hom toe gehardloop toe hy die perseel wou verlaat en toe skiet hy haar ook. Sy het oorleef.
Swanepoel sal in aanhouding bly tot hy gevonnis word. Hy sal weer op 28 April in die hof verskyn.
Bronne: IOL, 247News, African News Agency
Lees ook: Rugbyspelers ná klubwedstryd glo met gebreekte bottels gesteek
