Elon Musk het minstens 20 werknemers by Twitter afgedank wat sy optrede, hetsy op Twitter of op die interne boodskapplatform, Slack, gekritiseer het.
Sommige werknemers is afgedank glo net omdat hulle plasings wat Musk kritiseer weer getwiet het.
Musk, wat sowat 3 800 voltydse werknemers en meer as 5 000 kontrakwerkers afgelê het, raak boonop ontslae van enigiemand wat waag om hom te kritiseer.
Platformer se Casey Newton het gesê die aantal afgedanktes is nader aan 20.
Sagteware-ingenieur en tegnologieskrywer Gergely Orosz het getwiet dat ongeveer 10 mense afgedank is omdat hulle intern teen Musk gepraat het.
Selfs diegene wat net kritiek op Musk getwiet het, is ook die deur gewys.
’n Twitter-gebruiker het geplaas: “Elon het volgens Protocal talle werknemers afgedank wat krities oor hom was op Twitter en die maatskappy se Slack”.
Musk het laat Dinsdag geantwoord: “Ek wil graag om verskoning vra dat ek hierdie genieë afgedank het. Hul geweldige talent sal ongetwyfeld elders van groot nut wees.”
How it started How it’s going pic.twitter.com/ncXnjHPOKc
— Libs of TikTok (@libsoftiktok) November 15, 2022
Bronne: Cape Argus, DNA India, The Free Press Journal, Twitter
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Elon Musk straf Twitter-werkers wat met hom in openbaar stry
