’n Ingenieur wat al vir meer as agt jaar by Twitter werk, het Sondag op een van Elon Musk se twiets reageer en Maandag het Musk aangekondig hy het die ingenieur afgedank.
Eric Frohnhoefer, wat aan Twitter se Android-sisteem gewerk het, het op een van Musk se twiets gereageer dat hy (Musk) een van die tegniese aspekte van Twitter se toep verkeerd verstaan. Musk het teruggeantwoord en gesê hy moet verduidelik en gesê Twitter is stadig op Androi. Hy het gevra wat Frohnhoefer gedoen het om dit reg te maak.
Frohnhoefer het in verskeie twiets probeer verduidelik wat aangaan en toe ’n ander gebruiker hom vra hoekom hy nie Musk privaat geantwoord het nie, het hy gesê Musk moet dan vrae privaat vra.
Maandag het Musk aangekondig dat hy vir Frohnhoefer afgedank het. Nog ’n ingenieur, Ben Leib, is afgedank na hy op die dieselfde plasing van Musk gesê het Musk weet nie waarvan hy praat nie.
Leib het vir omtrent ’n dekade by Twitter gewerk voor hy Sondag afgedank is.
Bronne: Daily Maverick, Moneyweb, Yahoo
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Elon Musk waarsku teen bankrotskap namate Twitter-bestuurders bedank
