Drie mense is in hegtenis geneem omdat hulle glo leerlinglisensietoetse namens ander geskryf het in ruil vir betaling.
Die drietal het opgetree as “jockeys” vir diegene wat hul leerlinglisensies wou bekom.
Sipho Hlomuka, LUR van vervoer, gemeenskapsveiligheid en skakeling, verwelkom die inhegtenisnemings. Hy het gesê dit vorm deel van hul beweerde optrede om meer as 20 leerlinglisensies te kanselleer. Hy het gesê die sindikaat was betrokke by aktiwiteite in verskeie sentrums insluitend Pinetown, Camperdown en Howick.
Die inhegtenisnemings, het Hlomuka, bygevoeg, volg op ondersoeke by ander bestuurslisensie-toetssentrums as deel van die bekamping van die onwettige uitreik van lisensies.
Bronne: IOL, SABC
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Noorweegse prinses bedank koninklike pligte vir alternatiewe medisyne
