Adam Levine het Saterdag by Shaquille O’Neal se liefdadigheidsgala opgetree in sy eerste optrede sedert Sumner Stroh gesê het hy het sy vrou, Behati Prinsloo, met haar verkul.
Behati Prinsloo was saam met hom daar om hom te ondersteun en hom toe te juig.
Verlede maand het Stroh video’s op TikTok gelaai en stellings op Instagram gemaak dat Levine sy vrou Behati met haar verkul het en glo later vir haar ‘n boodskap gestuur het om te vra of hy sy ongebore kind na haar kan vernoem.
Levine het sy eie stelling op sosiale media gemaak om te ontken dat hy ‘n verhouding gehad het met enigiemand anders, maar dat hy wel soms onvanpas teenoor vrouens opgetree het.
Verskeie ander vroue het in die tussentyd na vore gekom en vertel Levine het glo flirterige boodskappe aan hulle gestuur.
Bronne: IOL, ET Online
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Adam Levine ontken verhouding met model
