Adam Levine het ‘n verklaring vrygestel waarin hy ontken dat hy enige soort verhouding gehad het met die model wat op TikTok die teendeel beweer het. Hy ontken ook hy wil sy ongebore kind na haar vernoem.
Levine het in sy verklaring gesê dat hy slegte oordeel gebruik het deur met ander vroue op ‘n flirterende manier te praat. Hy het gesê hy het ‘n grens oorgesteek en dat hy en sy vrou, Behati Prinsloo, dit aangespreek het en dat hy die saak met sy familie gaan regstel.
Die model, Sumner Stroh, het ‘n reeks TikTok video’s gemaak, slegs dae na Levine en Prinsloo hulle derde swangerskap aangekondig het. In die video’s beweer Stroh sy was in ‘n verhouding met Levine. Sy het vertel dat hy vir haar ‘n boodskap gestuur het om te vra of hy sy ongebore kind na haar kan vernoem.
Nog ‘n vrou het na vore gekom om te sê Levine het vir haar flirterende boodskappe gestuur. Die vrou was van 2007 tot 2010 sy joga-instrukteur .
Daar is video’s op sosiale media versprei waarin Levine glo in 2009 erken het hy het vorige meisies verkul.
Bronne: TMZ, ET Online, The News
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Voormalige ‘minnares’ van Adam Levine sê hy wou sy baba na haar vernoem
