Solly Msimanga, DA-leier in Gauteng, sê: “Die DA verwerp die kangaroe-raad wat vandag in Johannesburg sit en die onbekwame speaker se beslissing.”
Msimanga het onmmiddellik met ‘n vrystelling reageer na die mosie van wantroue wat teen burgemeester Mpho Palatse ingestel is so vinnig as moontlik deurgevoer is terwyl die DA glo op presies dieselfde tyd ‘n hofaksie gebring het om dit te stop.
Die leier van die amptelike opposisie sê verder: ” As dit nie so ernstig was nie, sou dit lagwekkend wees.”
“Die Johannesburgse stadsraadsvergadering vroeër vandag het al die kenmerke van ‘n tragikomedie, aangesien die speaker, met haar debuut, prosedurele protokol geïgnoreer het in haar strewe om die mosie van wantroue in burgemeester Mpho Palatse so vinnig as moontlik en teen watter koste ook al deur te druk.”
Volgens hom het die speaker se taktiek gewerk, omdat die mosie aanvaar is nog voordat die hofaksie afgehandel was.
“Dit was duidelik vir almal om te sien dat die speaker ‘n politieke agenda het wat sy sou deurdruk sonder enige inagneming van die reëls van die huis.”
“Die DA sal egter voortgaan met sy hofaksie om die verkiesing van ‘n nuwe burgemeester te voorkom en te verseker dat hierdie spoorwegtaktiek deur die speaker en haar bondgenote tot stilstand gebring word en gesonde verstand seëvier,” het hy die verklaring afgesluit.
FiND-iT Nuus het vroeër berig dat Mpho Phalatse met 139 stemme vir die mosie van wantroue teen haar uit die burgemeesterstoel gelig is. Na stemming is die ANC se Sello Dada as haar vervanger aangewys.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
