Probeer gerus dié spinasiequiche met kaas. Maklik, goedkoop en smullekker!
Lewer 12 skywe
Bereiding: 15 minute
Afkoeltyd: 1 uur
Baktyd: 35 minute
Bestanddele:
330 ml meel
knippie sout
125 ml (½ k) botter
30 ml (2 e) koue water
Vulsel
15 ml (1 e) olie
1 rooi soetrissie, gekap
2 knoffelhuisies, fyngedruk
5 eiers
125 ml (½ k) gerasperde mozzarellakaas
125 ml (½ k) fyngekapte spinasie
80 ml room
30 ml (2 e) gerasperde parmesaankaas
sout en peper
Metode:
1. Voorverhit die oond tot 180 °C. Meng die meel, sout en botter met jou vingerpunte tot die mengsel soos broodkrummels lyk. Meng die water in om ’n ferm deeg te vorm. Draai in kleefpapier toe en verkoel 1 uur in die yskas.
2. Rol die deeg uit op ’n oppervlak wat liggies met meel bestrooi is en sny ’n sirkel om in ’n 20 cm-losboompan met ‘n kartelrand te pas. Prik die deeg met ’n vurk en voer met foelie uit. Bak 10 minute.
3. Vulsel: Verhit die olie in ’n klein pannetjie oor matige hitte en soteer die rooi soetrissie, spinasie en knoffel. Sit eenkant om af te koel.
4. Meng die res van die bestanddele en roer die afgekoelde gesoteerde groente in. Giet in die kors.
5. Bak 25 minute of tot die middel van die quiche geset het.
Bron: Elsa Pretorius, Resepte vir oud en jonk, Facebook
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
