Heerlike resep vir “Ouma se hotelpoeding”, genoeg vir vier mense.
Bestanddele:
140 g (250 ml) koekmeel
30 ml botter
250 ml melk
7 ml koeksoda
2 eiers, geklits
250 ml fyn appelkooskonfyt
15 ml asyn of suurlemoensap
Metode:
Verhit oond tot 180 °C. Sif meel in ‘n mengbak en voeg botter by. Vryf botter in die meel tot dit soos broodkrummels lyk. Meng melk en koeksoda saam. Maak holte in middel van meelmengsel en voeg melkmengsel en res van bestanddele by.
Meng goed tot deeg vorm. Skep deeg in vier emaljebekers, wat met kleefwerende kossproei gespuit is. Plaas bekertjies op bakplaat en dan in oond. Bak sowat 45 minute – toets met toetspen om seker te maak dis gaar.
Sous
250 ml room
200 g (250 ml) suiker
1 eier, geklits
Meng alles en giet oor gebakte nagereg nadat dit behoorlik afgekoel het. Bak verder in matige oond vir 10 tot 20 minute totdat sous begin dik word. Sit warm voor.
Bron: Lekker resepte vir die jagters – Voortrekker Resepte en Boere Rate, Facebook
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
