Skokkende besonderhede het in die Nelspruit-landdroshof na vore gekom waar dit aan die lig gekom het dat die verdagtes in die Hillary Gardee-moordsaak beplan het om een van die getuies te vermoor.
Thamsanqa Mkhaliphi, ondersoekbeampte, het aan die hof gesê dat die trio wat daarvan beskuldig word dat hulle Gardee vermoor het, deur verskeie gevangenes gehoor is dat hulle saamspan om die getuie te vermoor.
Mkhaliphi het dié inligting Dinsdag tydens sy getuienis in die hof onthul.
Beskuldigde nommer een Sipho Mkhatshwa het Dinsdag sy borgtogaansoek voortgesit met die ondersoekbeampte wat getuienis gelewer het.
Hillary Gardee se liggaam is in April naby ‘n plantasie tussen Mbombela en Sabie gevind, vier dae nadat sy vermis geraak het. Sy het steekwonde aan haar bors gehad en ‘n skietwond aan die agterkant van haar kop.
Twee getuies en die ondersoekbeampte het Dinsdag hul getuienisse gelewer terwyl die hof die borgtogaanbod vir Mkhatshwa ná verskeie kere se uitstel afgesluit het.
Mkhatshwa se eerste regsverteenwoordiger het hom in die middel van die hofverrigtinge aan sy saak onttrek. Hy het nou ‘n nuwe prokureur.
Maandag het hy gesê hy is nie ‘n vlugrisiko nie en daarom moet hy borgtog kry. Hy het intussen sy werk by City of Ekurhuleni verloor.
Die borgtogverhoor het voortgegaan met Mkhaliphi en Simon Khoza wat getuig het.
Mkhaliphi het gesê die staat moet Mkhatshwa se borgtogaansoek teenstaan, met verwysing na veiligheidskwessies vir die getuies nadat hy vertel is van die plan om een van hulle te vermoor.
Die saak duur Woensdag voort.
Bronne: MSN, Cape Talk, SABC
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: 11-jarige meisie dood toe bakkie en trein by plaaskruising bots
