Verkeersbeampte Thabo Mashego is Vrydag omstreeks 21:00 by Saselani naby Bosbokrand vermoor.
Arrestasies het gevolg nadat die sigbare polisiëringspan in Bosbokrand Maandag inligting ontvang het oor ‘n verdagte voertuig wat agter ‘n huis geparkeer is.
Brig. Selvy Mohlala, polisiewoordvoerder, sê die motor was met ‘n wit lap bedek.
Dit is geïdentifiseer as die VW Polo wat tydens die aanval op Mashego gekaap is.
Mohlala het gesê ten spyte daarvan dat die vrou op die perseel enige kennis van die voertuig ontken het, het beamptes ook ontdek die motorbattery is verwyder en in die slaapkamer van die vrou se 46-jarige seun versteek.
Die vrou en twee van haar seuns is in hegtenis geneem vir die besit van ‘n vermoedelik gesteelde voertuig.
“Die verdagtes sal na verwagting binnekort in die Mkhuhlu-landdroshof verskyn,” het Mohlala gesê.
Ondersoeke na die verkeersbeampte se dood duur voort.
Bronne: MSN, Times LIVE, Jacaranda FM
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Pa en oom in hegtenis geneem nadat hulle glo albinokinders probeer verkoop het
