Amptenare van Emer-G-Med se reaksiespanne het bevestig dat ‘n taxi-ongeluk in KZN agt voetgangers beseer het. Een is in ‘n kritieke toestand.
In die voorval, wat Woensdagoggend plaasgevind het, het ‘n minibustaxi deur voetgangers in Overport geploeg, nadat dit van die pad af gery het.
Getuies het gesê dat die voertuig teen ‘n hoë snelheid beweeg het voordat dit in die voetgangers ingery het.
Nadat die slagoffers omgery is, het die taxi teen ‘n baksteenmuur tot stilstand gekom.
Die pasiënt wat kritieke sorg ontvang het, is op die toneel gestabiliseer, maar is steeds in die hospitaal.
Emer-G-Med se spanne het ‘n verklaring uitgereik nadat hulle diens op die toneel in Felix Dlaminiweg verleen het.
Daar is gesê noodsorgpraktisyns was deurslaggewend daarin om die lewe van die pasiënt wat die ergste beseer is, te red.
Bronne: MSN, The South African, Twitter
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Phala Phala-sage: Openbare beskermer beplan glo om Ramaphosa te dagvaar
