’n Man van Johannesburg is beseer nadat hy glo ’n elektrisiteitsubstasie oopgemaak het en elektrisiteit onwettig probeer herkoppel het.
“City Power wil inwoners waarsku om nie ons substasies oop te maak en op die netwerk te werk nie, aangesien dit gevaarlik en onwettig is,” het woordvoerder Isaac Mangena gesê.
“ ’n Inwoner van Crosby naby Mayfair in Johannesburg is tans in die hospitaal nadat ’n mini-substasie in sy gesig opgeblaas het nadat hy die mini-substasie onwettig oopgemaak en probeer het om dit te gebruik om elektrisiteit te herstel.”
Die area is sedert Woensdag sonder elektrisiteit nadat die mini-substasie weens ‘n vermoedelike oorlading ineengestort het.
Mangena het gesê ‘n oproep is van City Power ontvang, maar sy span moes werk by ‘n ander perseel voltooi voordat hulle aan die afgeskakelde mini-substasie kon aandag gee.
“In WhatsApp-groepboodskappe van ongeduldige inwoners is die slagoffer deur die raadslid en ander inwoners gewaarsku om nie te probeer om op die City Power-netwerk te werk nie. Dit wil voorkom asof die persoon voortgegaan het en probeer werk het, waarna die substasie ontplof het,” het Mangena gesê.
“Hierdie mini-substasie wat ontplof het, is splinternuut. Ons het dit ‘n paar weke gelede geïnstalleer en ons MMC Michael Sun het die span besoek wat daaraan werk om dit te verbind,” het Mangena gesê.
“Ons het, as City Power, besluit om ’n saak van vandalisme en opsetlike saakbeskadiging teen die slagoffer aan te meld.”
Mangena het gesê City Power sal vanmiddag elektrisiteit na die geaffekteerde gemeenskap aanskakel.
“Ons vra om verskoning vir die ongerief wat hierdeur veroorsaak is en wens die slagoffer ‘n spoedige herstel toe,” het hy gesê.
Bronne: IOL, The Citizen, Jacaranda FM
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Taverne-skietery: Gesinne pleit by polisie om moordenaars te vind
