‘n Klerksdorpse man het Woensdag sy man dapper gestaan teen drie aanvallers in Noordwes.
Verskeie beelde aanlyn wys hoe die middeljarige man daarin geslaag het om die boewe af te weer wat hom meedoënloos geteiken het.
Sosialemediagebruikers is in verwondering oor hierdie kitsheld. In die video staan die man met sy rug teen ‘n voertuig, totaal weerloos teen sy drie aanvallers. Dit is ongelukkig die ontstellende toedrag van sake vir duisende Suid-Afrikaners.
Sy vlug-of-veg-instink skop egter in en hy pluk ‘n mes wat hy op hom versteek gehad het, uit en weer twee van die misdadigers af. Dit hou die derde aanvaller op ‘n afstand.
Die man voer ‘n besonder briljante maneuver uit deur ‘n aanvaller met ‘n motordeur af te weer.
Met geen hulp van enige aard wat deur omstanders aangebied word nie, verdedig die middeljarige man hom teen die drie booswigte wat nie bes gee nie.
Na nog ‘n swaai van die lem trek hulle vir goed terug en loop nonchalant weg. Gelukkig het hierdie Klerkdorpse man deur koelkop te bly, verseker dat hy nie deel van SA se misdaadstatistiek word nie.
Bronne: MSN, The South African, Flipboard
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
