‘n Vierjarige seuntjie het Dinsdagaand tragies in ‘n groot dam op ‘n kleinhoewe op Mnandi, Centurion, verdrink.
Volgens CERT-SA-woordvoerder, Ruan Heyns, het hulle met hul aankoms by die toneel afgekom op lede van die Olievenhoutbosch GPF wat aanwesig was en KPR aan die kind verskaf het.
“Dit is onbekend presies hoe lank die kind onder die water in die groot dam gedompel was voordat hy deur sy ouers gevind is.
Omstanders het KPR probeer,” het Heyns gesê.
Ongelukkig is die seuntjie op die toneel dood verklaar ná ‘n paar minute van KPR.
Heyns het gesê die presiese omstandighede van die voorval is nie tans duidelik nie. Die polisie het ‘n ondersoek geopen.
Hy het ook die Olievenhoutbosch GPF, Netcare911 en Olievenhoutbosch SAPD bedank vir die bystand op die toneel.
Bronne: MSN, The World News
Volg FiND iT hier.
Lees ook: Fetus van babaseuntjie gevind by ‘n onwettige stortingsterrein
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
