’n Vooraanstaande energie-ontleder het sy vrese oor die moontlikheid dat Fase 8-beurtkrag Suid-Afrika in die nabye toekoms sal tref, bekend gemaak.
Dié onderbrekings sal Suid-Afrikaners elke dag vir tussen 12-14 uur sonder krag laat.
Hierdie maand was iets van ‘n klug, met Fase 4-beurtkrag en laatmiddag-aankondigings wat ons in duisternis gedompel het.
Maar Mike Rossouw, energie-ontleder, glo die ergste lê nog voor – en Eskom is eenvoudig “nie in staat om die situasie te beheer nie”.
“Die deurlopende stroomonderbrekings lê besighede lam. Die ekonomie word deur beurtkrag vernietig. Eskom se huidige pad beteken dat beurtkrag net erger sal word … kragstasies breek gereeld omdat hulle nie in beheer is nie.”
“Ek twyfel of daar ooit ’n voluit verduistering sal wees, maar dit is baie moontlik dat ons Fase 8-beurtkrag sal kry. Ek voel daar is ‘n 50% kans dat ons binnekort erger beurtkrag as Fase 4 sal sien. Ons kan egter nie regtig die omvang voorspel nie … want Eskom weet ook nie,” aldus energie-ontleder Mike Rossouw.
Die bereiking van Fase 8-beurtkrag sal self ‘n groot krisis vir die land wees. Suid-Afrika het nog nooit verby Fase 6 gegaan nie, en enigiets erger as dit sal ons in ‘n onbekende gebied dompel.
As ons na die planne vir Fase 8 in eThekwini, Kaapstad en Johannesburg kyk, kan sommige streke verwag om ‘vyf of ses afsonderlike kragonderbrekings’ in elke 24-uur-siklus te ervaar.
Tot agt plaaslike distrikte per munisipaliteit kan verskeie kere per dag sonder enige elektrisiteit wees, alles op dieselfde tyd.
Bronne: Tame Times, The South African
Volg FiND iT hier.
Lees ook: Eskom: Fase 8-beurtkrag ‘n moontlikheid
