NELSPRUIT. – ‘n Man is dood nadat hy deur ‘n ligte motor op die R40 in Riverside, Nelspruit, raakgery is.
ER24 en ander dienste het gister by die plek waar die man in die pad gelê het, opgedaag. Die ligte motorvoertuig wat hom getref het, was ‘n entjie daarvandaan geparkeer.
Man op R40 dood verklaar
Paramedici het die man ondersoek en gevind dat hy reeds aan talle beserings beswyk het. Hy is op die toneel dood verklaar.
Die vroulike bestuurder van die voertuig het slegs ligte beserings opgedoen. Sy is behandel en na ‘n nabygeleë hospitaal vervoer vir verdere sorg.
Plaaslike owerhede was op die toneel vir verdere ondersoek.
LEES OOK: Hond met die groot bruin onseker oë 15 km buite Kimberley
LEES OOK: 1 November nou amptelik ‘n vakansiedag
Volg FiNDiT hier vir die nuutste nuus.
