GQEBERHA. – Sowat twee miljoen dosisse van die Johnson & Johnson Covid-19-entstof kan moontlik besmet wees en sal glo waarskynlik vernietig moet word.
LEES OOK: KwaZulu-Natal laerskoolleerder dood na TikTok-neiging
Moontlik besmet
Die entstof is tans in Gqeberha en wag om landwyd versprei te word. Daar word vermoed een van die kernbestanddele is moontlik ontsmet.
Die Amerikaanse voedsel-en-medisyne-owerheid (FDA) het Vrydagaand in ’n verklaring gesê daar kan nie verseker word dat die entstof nie besmet is nie.
Protokolle nie gevolg
Dit het gebeur nadat ’n ondersoek bevind het ’n vervaardiger van een van die entstof-bestanddele het nie die nodige veiligheidsprotokolle nagekom nie. Werkers by ‘n vervaardigingsaanleg het vir vooraf gestort en ander klere aangetrek nie.
Volgens The New York Times kan tot 60 miljoen dosisse besmet wees.
Besluit moet gemaak word
Die Suid-Afrikaanse gesondheidsowerhede moet nou besluit of die entstof gebruik gaan word, terwyl Suid-Afrika se inentingsprogram reeds van die stadigstes in Afrika is.
