NIEU-SEELAND. – Die man, George Francis Donnelly (25), wat sy swanger meisie aangerand het deur sy vingers in sy meisie se oë te steek en herhaaldelik op haar maag te trap terwyl sy swanger was, is tot huisarres gevonnis.
Donnelly het die eerste keer die slagoffer, toe nog nie swanger nie, met sy voorarm teen ‘n muur vasgedruk en sy hande weerskante van haar kop gesit. Daarna het hy sy vingers hard teen haar slape gedruk voordat hy sy duime in haar oë gedruk het. Toe die slagoffer probeer wegkom, het hy haar gegryp en haar kop teen die muur gedruk. Sy is daarna op die grond neergegooi.
Man trap swanger meisie tydens tweede insident
Hy het haar na die sitkamer gesleep, terwyl hy op haar gegil het. Hy het weer sy vingers in haar oë gedruk tot haar oë begin bloei het. Hy het haar geskop en met sy vuis teen haar kop, maag en bene geslaan. Donnelly is die volgende dag in hegtenis geneem nadat die slagoffer daarin geslaag het om met haar twee kinders by die venster uit te spring en te ontsnap.
Na die eerste insident het hy haar by ‘n tweede geleentheid weer aangerand. Tydens die tweede voorval was die slagoffer reeds 10 weke swanger. Die slagoffer het tydens die tweede voorval gebuk om ‘n vullissak op te tel toe Donnelly haar in die rug skop en op haar trap. Later die dag toe sy op ‘n bank gelê het, het hy oor haar gestaan en sewe of agt keer op haar maag getrap.
Tot 12 maande huisbewaring gevonnis
Die regter het alles in ag geneem en Donnelly is tot 12 maande huisarres gevonnis. Daar is ook ‘n beskermingsbevel gekry vir die slagoffer en haar twee kinders en beveel dat Donnelly nie die slagoffer moet kontak sonder skriftelike goedkeuring van ‘n proefbeampte nie.
LEES OOK: Ma en seun se nagmerrie na blou ligte met sirenes hulle aftrek
LEES OOK: NSPCA lê klag teen personeel van Oos-Londense DBV oor ‘dieremishandeling’
Volg FiNDiT hier vir die nuutste nuus.
