OOS-KAAP. – ‘n Ongeluk het die lewens van vier polisiebeamptes en een gemeenskapslid, wat vermoedelik in dieselfde voertuig as die beamptes was, geëis.
Die ongeluk het buite Engcobo, op die nasionale pad na Mthatha, plaasgevind. Die vier beamptes was op pad huis toe nadat hulle veldtogte met gemeenskappe en skole gedoen het.
Vier beamptes was tussen 25 en 35 jaar oud
“Die beamptes was drie mans en ‘n vrou, tussen 25 en 35 jaar oud,” sê brig. Tembinkosi Kinana, polisiewoordvoerder. Die name van die slagoffers is nog nie bekend nie omdat hulle families nog nie in kennis gestel is nie.
Kinana sê omstandighede rakende die ongeluk word tans ondersoek. Die polisie het sake van strafbare manslag vir ondersoek geregistreer. Besonderhede oor die oorsaak van die ongeluk vorm deel van die ondersoek.
LEES OOK: Hector se dieremishandeling-saak wéér uitgestel
Volg FiNDiT hier vir die nuutste nuus.
