KIMBERLEY. – Die konsul-generaal van Nederland, Sebastiaan Messerschmidt, het vandag met die uitvoerende burgemeester Van Sol Plaatje-munisipaliteit, Patrick Mabilo, en die burgemeesterskomitee vergader oor moontlike samewerking tussen Kimberley en Nederland.
Oog op die toekoms
Die doel van die vergadering was om sake van gemeenskaplike belang met betrekking tot die mandaat van ekonomiese diplomasie, die bevordering van handel en beleggings tussen Kimberley en Nederlandse stede aan te bied, te bespreek en om die netwerk in die stad en omliggende gebiede te laat groei en uit te brei. Ook om geleenthede te verken en uit te ruil met die potensiaal van samewerking tussen Kimberley en Nederland.
LEES OOK: Prada wys ware kleure toe Valentino-fabriek afbrand
Volgens n verklaring deur Sol Plaatje-munisipaliteit is daar baie wat munisipaliteite wat betref invoer- en uitvoermoontlikhede by Nederland kan baat. Wat Nederland bied, is hernubare energie, klimaatsverandering en volhoubaarheid, metaal- en ingenieursprodukte, mikro-elektronika, chemikalieë, elektriese masjinerie en toerusting en beleggingsgeleenthede van Nederlandssprekende lande soos België, Aruba, Sint Maarten en Suriname.
Tweelingstede
Die moontlikheid van ‘n tweelingstadooreenkoms tussen Kimberley en Amsterdam is bespreek, asook die inisiëring van klimaatsveranderingprogramme in samewerking met die plaaslike universiteit en die moontlikheid van ‘n elektroniese fabriek en ontwikkeling van 41R (Internet of Things).
Diensleweringuitdagings
Die vergadering het ook ooreengekom om Kimberley as beleggingstad te bevorder. Die afvaardiging van die munisipaliteit was openhartig oor uitdagings oor dienslewering, en sy planne en verbintenis om daaraan aandag te gee.
“Nederland is ’n ontwikkelde land met ’n ekonomiese basis waaruit Kimberley voordeel kan trek uit hul kundigheid, tegnologie en beste praktyke.”
