VRYSTAAT. – ’n Nooddiens-personeellid (48) is op 15 April 2021 dood langs sy reaksievoertuig op die R76 Lindley-pad gevind. Die man is op die grond agter die voertuig met vyf koeëlwonde aan die agterkant van sy kop gevind.
LEES OOK: Kyk hier na prins Philip se begrafnis
Sleutels nog in voertuig
Kol. Thandi Mbambo, polisiewoordvoerder, sê die polisie ondersoek ’n saak van moord. “Die voertuig is gevind met die hoofligte steeds aan en die sleutel was binne-in die voertuig. Die oorledene was nie in uniform nie, maar is geïdentifiseer as ‘n lid van Bethlehem se mediese nooddienste.”
Motief nog nie bekend
Die motief agter die moord is nog nie vasgestel nie en niemand is in verband met die voorval in hegtenis geneem nie. Die ondersoek duur voort.
Enige persoon met inligting kan kapt. Screamer Tshabalala by 0824530794 kontak.
