KWAZULU-NATAL. – ’n Seun, wat net ’n week oud was toe hy ontvoer is, is na tien jaar met sy ma herenig. ’n Vrou (34) is vandeesweek in die streekhof op Empangeni tot 12 jaar gevangenisstraf, waarvan die helfte vir vyf jaar opgeskort is, gevonnis. Sy het skuldig gepleit op die ontvoering van ’n week oue baba in Julie 2011 in die Phaweni-omgewing naby Jozini.
LEES OOK: Huiswerkers moet nou geregistreer word
Voorgedoen as regeringswerker
Natasha Kara, streekswoordvoerder vir die Nasionale Vervolgingsgesag van Suid-Afrika, sê die vrou het haarself as ’n regeringswerknemer voorgedoen en het aangebied om die jong ma (16) en haar baba te neem om ’n ID en ’n geboortesertifikaat in Jozini semiddestad te laat maak.
Verdwyn met baba
Terwyl hulle in die middestad was, het die vrou vir die ma geld gegee om kos te gaan koop met die belofte dat sy na die baba sou omsien. Die oomblik toe die ma uit sig was, het die vrou haar baba geneem en met hom verdwyn. Sy het die baba saam met haar Johannesburg toe geneem.
Die waarheid het later aan die lig gekom toe die vrou en haar kêrel uitgemaak en sy vaderskap bevraagteken was.
Nie kinders van haar eie
Die beskuldigde het gesê dat sy die baba gesteel het omdat sy lief was vir kinders en nie een van haar eie gehad het nie. Sy het gesê sy was van plan om die babaseuntjie permanent te hou.
LEES OOK: Prada wys ware kleure toe Valentino-fabriek afbrand
