OOS-KAAP. – Ntsikelelo Mtsewu (45) het vlugtig op 13 April 2021 in die Lusikisiki-landdroshof op aanklag van moord verskyn nadat beendere en bebloede klere in ’n oop stuk veld gevind is. Die oorskot behoort aan sy meisie, Ntombifuthi Qawula, wie se liggaam glo deur honde opgevreet is.
LEES OOK: Man uit op R500 borg na hy man glo doodsteek
Deur honde verslind
Luxolo Tyali, Oos-Kaapse woordvoerder vir die Die Nasionale Vervolgingsgesag van Suid-Afrika, sê daar word beweer dat Qawula, wat op 31 Maart as vermis aangemeld is, doodgewurg is en haar lewelose liggaam deur honde verslind is. Sy is laas in die geselskap van Mtsewu gesien.
Van gemeenskap gered
Mtsewu is in hegtenis geneem nadat hy deur die polisie van gemeenskapslede gered is ná die ontdekking van ’n skedel, bene en bloedbevlekte klere wat in ’n oop veld in die Mcwabantsasa-dorp naby Lusikisiki gestort is.
Gegewe die erns van die saak, sal die staat borgtog teenstaan en is die saak tot 29 April vir formele borgtogaansoeke uitgestel.
LEES OOK: Polisie soek vrou wat kan help met Piet Els-moordsaak
