April 21, 2021

Gepiekelde kerrievis-resep

Geur vis met sout en peper en vryf in met suurlemoen en skil.

Gepiekelde kerrievis - resep

Gepiekelde kerrievis - resep Foto: huiskok

Dit is Paasnaweek en wat eet mens nou anders as vis? Hier is n heerlike resep vir dié wat graag ingelegde kerrievis die Paasnaweek wil maak.

LEES OOK: Riverton-wateraanleg in die herstelproses

Bestanddele:

  • 1 kg snoek gewas, gefileer en in porsies gesny
  • sout en varsgemaalde witpeper
  • gerasperde skil en sap van twee suurlemoene
  • skaapstertvet, botter of olie

Vir die piekel:

  • 2 groot uie, oorlangs gehalveer en in skywe gesny
  • 100 g sagte bruinsuiker
  • 4 eetlepel fyn appelkooskonfyt
  • 2 eetlepel garam masala
  • 2 teelepel borrie
  • 2 knippies rooipeper
  • 750 ml bruinasyn
  • 6 vars suurlemoenblare
  • 1 stuk vars gemmerwortel, geskil en fyngekap
  • 4 teelepels geskroeide koljandersaad
  • 100 to t 125 ml water

Metode:

  • Geur vis met sout en peper en vryf in met suurlemoen en skil. Verhit vet in pan en braai ’n paar stukkies op ’n slag aan weerskante tot net gaar.
  • Skep al die sousbestanddele in ’n kastrol, verhit tot kookpunt, verlaag hitte en prut vir 20-25 minute. Skep ’n bietjie sous in ’n gesteriliseerde houer en skep ’n laag vis daarin.
  • Bedek vis met ’n laag warm sous. Herhaal met die res van vis en sous, laat afkoel en verseël. Bêre in die yskas vir 2 tot 3 dae voordat dit geëet word.

Wenke:

  • Die gegeurde vis kan in ’n gesmeerde oondskottel geskep word. Sprinkel ’n bietjie water oor en bak vir 10 tot 15 minute in ’n voorverhitte oond by 180 °C.
  • Die vis kan ook in die sous gaargemaak word. Skep net die warm sous oor die gegeurde vis en bak vir 20 minute.

LEES OOK: ‘Sol Plaatje behoort hulle te skaam’

Leave a Reply

Your email address will not be published. Required fields are marked *

%d bloggers like this: