April 18, 2021

Vrou wat konyne red, veroorsaak glo 90 se dood

Die konynpaas het glo 3000 konyne gehad het, waarvan 700 glo ongeveer drie dae oud was.

Vrou wat hase red, veroorsaak glo 90 se dood

Vrou wat hase red, veroorsaak glo 90 se dood Foto: Time Magazine

SPANJE. – ’n Veganistiese aktivis wat 14 konyne vanaf ’n konynplaas gered het, het glo in die proses indirek meer as 90 se dood in die proses veroorsaak. Haar missie van goedhartigheid is nou wyd gekritiseer deur mense in die omgewing wat gesê het dat meer as 90 konyne van kant gemaak moes word weens haar roekelose gedrag.

Pasgebore konynbabas bly agter

Volgens iheartintelligence het ’n aantal van die konyne wat die vrou geneem het pas geboorte gegee, wat beteken dat hul babas agterbly sonder die lewensonderhoudende sorg van hul moeders.

LEES OOK: Vrou in hegtenis wat glo haar man op Pofadder vermoor

Na wat verneem word, is nog vyf dragtige konyne dood as gevolg van die ingryping, terwyl ander glo gebreekte ruggrate gehad het of hul nageslag verloor het as gevolg van die spanning. Die konynplaas het glo 3 000 konyne gehad, waarvan 700 glo ongeveer drie dae oud was.

Glo geskiet

Mythical Mia het aan haar aanhangers op sosiale media gesê dat sy die plaas “rustig” verlaat het voordat die eienaars haar en haar makkers op die snelweg begin jaag het. Tien minute later het ‘n motor naby haar geparkeer en iemand het begin skiet.

’n Woordvoerder van die Kataloniese polisie het gesê as gevolg van die aard van die impak is die venster waarskynlik deur ’n kragtige voorwerp getref, eerder as ’n skoot van ’n geweer.

Ontken dood van konyne

Mia ontken die moontlikheid dat hulle enige dier op die plaas doodgemaak het, deur dit vals inligting te noem, en het gesê dat sy slegs die konyne wat sy gered het, aangeraak het.

LEES OOK: Ma verbied om tydens aanlyn klas te borsvoed

Leave a Reply

Your email address will not be published. Required fields are marked *

%d bloggers like this: