April 19, 2021

Ma verbied om tydens aanlyn klas te borsvoed

Ma verbied om tydens aanlyn klas te borsvoed

Ma verbied om tydens aanlyn klas te borsvoed Foto: Diply

KALIFORNIë. – ’n Ma was stomgeslaan nadat sy deur haar professor gevra is om nie tydens sy aanlyn klas te borsvoed nie. Die eerste-keer-mamma sê sy studeer tydens die pandemie van haar huis af en moet ook voltyds na haar 10 maande oue baba omsien.

Nuwe reël

Die klas het ’n nuwe reël ingestel dat alle studente se mikrofone en kameras tydens die klas moet aan wees.

Marcella Mares het aan Diply gesê sy het aan haar professor ’n e-pos gestuur en verduidelik dat sy haar kamera en mikrofoon soms sal moet afsit om haar baba te borsvoed. Sy antwoord was dat sy nie sulke tipe goed tydens die klas moet doen nie en eerder op haar werk moet konsentreer. “Doen dit na klas,” het hy glo in sy e-pos gesê.

Die ma het verduidelik dat indien sy nie haar baba kan borsvoed nie, haar baba gaan huil en in elk geval die klas gaan onderbreek.

LEES OOK: Babanaam huldeblyk aan Steve Irwin

Bespreek dit met die hele klas

Marcella sê wat haar meer ontstel het, is toe haar professor die volgende dag haar situasie met die klas bespreek het. “Ek het hierdie vreemde e-pos van ’n student gekry waarin gesê word dat sy ongeskikte dinge tydens die lesingstyd moet doen. Julle moet verstaan ​​dat jy nou prioriteite het en dat jy al die afleiding opsy moet skuif of kreatief moet wees as jou kind jou nodig het en jou volle aandag in my klas moet gee.”

Marcella het ’n foto van haarself op sosiale media gedeel om te wys sy kan haar kind borsvoed en aandag aan die klas gee.

Om verskoning

LEES OOK: Maklikste Oreo-roomys ooit

Uiteindelik het sy ’n verskoning van die skool en professor ontvang en toestemming gekry om haar baba soos nodig met die kamera en mikrofoon af te borsvoed.

Leave a Reply

Your email address will not be published. Required fields are marked *

%d bloggers like this: